15 49.0138 8.38624 1 0 4000 1 https://wyrta.com 300 0

9 bnai slem u pynmih result, wa ym ye u pynbiang ya ki Internal Marks

0 Comments
Advertisement ad1

Jowai : Ka seiñ Meghalaya SSA School Association (MSSASA) da pyntip ko wa lyngba ka RTI wa booh ki ha khlieh dooh wa pait ya ka National Institute of Open Schooling (NIOS) wa em ha Noida, da chem wa ki Study Centre wa ki Regional Center ym phah ki ya ki Internal Marks heipor hadooh wa sah kut ka result yong kiwa sikai kiwa puræ ya ka laiñ Diploma in Elementary Education (D.EL. ED) Final Year Batch 2013-2015 yong ka jylla Meghalaya.

U Aristotle C. Rymbai president ka MSSASA ong u wa da em 4000 ngut kiwa sikai wa yang ya kani ka result kawa nykong pynbna wow pynmih ha ka 16 tarik u December 2015. Ini i pynslem u pynmih ya ka Result da pyndooh laad ko lada em kiwa fail neibhah ka exam wow yohlaad u yaleh sa chisein ya kani ka exam da dep wow pynman ha u bnai April-May.

Katkam i jubab wa yoh na ka RTI da ong wa ka NIOS dang yoh ya du ki Internal Marks yong ki 3000 ngut  wei ym slem de daw pynmih noh ya ka Result.

Neiliang ka seiñ da kyntu ko leh ya ka sorkar jylla wow chim khia ko hajrong ini yow phah ya ka tnat DERT yow leh ki yeiwa emkaam hapoh ka 30 tarik uni u bnai wei lada ym ye u leh yeini ka seiñ daw lai ko da kiwi ki luti.

Advertisement ad1

0 Comments

Leave a Reply