Pynneh ka SC yei hukum ka HC heiyatoh wa ka thung kreh sia lieh

Shillong: Ka Yungbichaar ka Meghalaya High Court ha ka 02.11.2017 da pynmih ko ya ka hukum wow pyndam noh ya waroh kiwa sikai skur wa da chah thung deiwa leh tooh næ pyndam sia lieh heipor wa thung kaam ya kiwa sikai skur Assistant Teacher ki Lower Primary School yong ka sorkar jylla.

Heijooh i por da elaad chooh sa chipor ya kitu kiwa sikai kiwa da chem wa ki marks yong ki man ki kiwa biang namo kiwa ym em chah biah sia lieh katkam i chem ka CBI wow pynneh chwa hadooh wa daw pynmih noh da kawi tawon ka hukum.

Hawa pynbna ya ka hukum, ka High Court da phah ko leh wa ya i takit waroh toh u chimkti da ka CBI ym da ki pulit ka jylla wei waroh i takit toh u pyndep hapoh 6 bnai.

Ka High Court da hukum ko leh wa ka mukotduma pyrchah ya u Director wa rim ka Elementary & Mass Education u JD Sangma u pteiñ hi ko.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmoo heini kamwa 200 ngut kiwa sikai da thung kreh ya ki pyrchah ya ka aiñ ha ki skur LP ka jylla yeiwa pyndam ya ki marks yong ki da ka sia lieh wei yeini da leh heipor wa man ka Ampareen Lyngdoh kam ka montri ha ka tnat puræ puthi ha u snem 2009.

Neiliang ka sorkar warim yong u Dr. Mukul Sangma hadien wa pynmih ka High Court ya kani ka hukum da rai ki wow li rah ha khmat ka Supreme Court ka ri yow chong bichaar wei wow pyndam ya ka hukum ka High Court ka jylla Meghalaya.

Tangwa ka Supreme Court won da pynksan ko ya ka hukum ka High Court deiwa ong wa ym em yurim wow kylla yeiwa da ong ka High Court wei ka Supreme Court leh da chem ko em boon ki kynrum kynram wa em ha kani ka rukom thung kreh ha kani ka kaam.