Ki kynthai ka India da pynrem ki yaka Japan da 4-0 yow man kam ki Champion ka Women’ Asian Champions Trophy ha ka Final wa da pynman ha Ranchi ynnin ka sngi.
Ka Japan man ko kam ka Champion yong u snem 2022 wei da man ko leh kam ka Champion la le sien.
Ya ki kool ka India da thap da ka Sangita Kumari haka minit wa 17, ka Neha Goyal haka minit wa 46, ka Lalremsiami haka minit wa 57 waka Vandana Katariya haka minit wa 60 yow pynman ya ka India kam ka Champion la arsien hadien wa da dep jop ki chisien ha u snem 2016 ha Singapore.
Kani ka Cup toh hadien wa jop ka India leh yaka Women’s FIH Hockey Nations Cup 2022 wa da pynman ha Valencia, Spain.
Discussion about this post