Ka seiñ JNC Western Zone hapoh i yahkhmat u President, u Hamehi Bamon da lai pynsangeh ko hei chna ya u sarok NH-6 ha Soomer, West Jaiñtia Hills neibhah hanla joor u slap wei chong ka um leh neiliang kiwa kreh da kreh ki khlem da pyrkhat yei lang um i psiang.
Ka seiñ da ong ko wa u sarok toh u thiedsnaam wa lai wa wan ki paidbah wei wow chna tangdep næ chna habra toh i wym ye u pdiang.
Kam wow pynkynmoo, dang ha kini ki kajiak tayaaw ka seiñ da yachem ko ya u MP ka Shillong, u Dr. Ricky AJ Syngkon ha ka 7 tarik uni u bnai wow kyrpaad ya ka sorkar pyrdi neibynta wow pynbha pynmiat ya u sarok NH-6.
Ka seiñ da ong ko leh wa kiwa kreh ymtoh u chna ki ya u sarok hapyrdi u slap wa joor næ heipor chong um neibhah wa daw sih u ha ki kajiak sngi donhi.
Chooh chooh da kyntu joor wa hawa chna ya uni u sarok toh wow chna katkam ki kyndon wa da booh da ka Ministry of Road Transport & Highway ym wow chna du wow dep neibhah ka poisa toh ka yong ki paidbah wei emkaam u pynbiang katkam wa angnood ki, da ong u Hamehi Bamon.
Discussion about this post