15 49.0138 8.38624 1 0 4000 1 https://wyrta.com 300 0

Pynsangeh ka JSM ya i kreh ka Oil India Ltd. wow siam thlu thooh um phniang

0 Comments
Advertisement ad1

Jowai: Ka seiñ JSM-CB ynnin ka 19 tarik hei emlang u President u Leningstar Rymbai, u Vice president u Deijuhi Siangshai, ka President ka Women Wings ka Bythygrace Dkhar, u Sport Secretary u Shnalad Rymbai wa ki kattu katni ki dkhot da lai pynsangeh ki ya kawi ka Company wa tip pyrtuid kam ka Oil India Ltd. ha ka chnonng Jalyiah- Khliehmyntriang .

Ka seiñ da lai pynsangeh ko ya kani ka Company ha ka yurim wa ym sñiawthooh ko iyi iyi leh ya kani ka Company wei iyi thmu ko wow leh, tangwa hadien wa yaklam wa kiwa kreh kani ka Company da pyntip ki wa da wan ki wow siam thlu yow yoh yukheiñ yei em um phniang wa ka la-ær (Gas) hapoh kani ka chnong wa ka thaaiñ.

Advertisement ad1

Hadien wa paan ya ki kot ki sla, da pynyoo ki da ki kot ki sla na ka sorkar Assam wei na JHADC da em kawi ka chithi wa thoh da u CFO ka Council cha ki whaheh chnong ka EJH yow e NOC ya kani ka Company wow leh yei kaam yong ka, wei da thoh ha ka chithi wa yei wym sñiawthooh ye ki wow wan yachem wa oo (CFO).

Ka seiñ da kylli ko wa lada u CFO da wanrah u ya ini hakhmat ka EC namo ha u CEM yow yoh u chong bichaar ya ini.

Hajrong ini neiliang ka JSM ym elaad næ chah ya kani ka Company wow wan leh ya ki kaam yong ka lada ymtip chwa ki ya ka aiñ wa ka Dustur yong i kam ki Ynñiawtrep kiwa em ka JHADC kawa pait ya ka khyndaw ka chyiap wa ki mar poh-khyndaw, kamjooh ki sahep ka JHADC leh ymtoh u leh tre ki neibynta i myntoi samen.

Advertisement ad1

0 Comments

Leave a Reply