Ka Khasi Hills Autonomous District Council (KHADC) ynne ka sngi da pynsangeh noh ko ya ka Dorbar Mang Tangka wa waroh ki kaam wa kynthup i yatai hapoh ka dorbar kiwa da pynbait wow leh ynne.
Ini i pynsangeh man ko kam wow pynyoo yei sñiawlem wei burom yei khlaad syndet u MP ka Shillong, u Dr. Ricky AJ Syngkon.
Ha kani ka sngi kawa man leh ka sngi wa khaddooh yong ka Dorbar Mang Tangka, da em ko du i mynjur yong ka yung dorbar ya ka Vote on Account næ ka mang tangka kawa 3 bnai wa da wanrah da u Executive Member wa pait ya ka chnat muna tangka ha ka 18 tarik uni u bnai.
Ha chwa u sdang ka dorbar, uwa yahkhmat ka Liang Pyrchah, u Titosstarwell Chyne da yieñ u wow kyntu ya u Symbood Lamphang wow pynsangeh noh yei kaam waroh kiwa da pynbait wow em ha kani ka sngi.
Hachwa wow pynwai ya ka dorbar, da em i suki kiaw wa chi minit kam ka dak wow burom yei mynsien wa da khlaad noh u MP ka Shillong Parliamentary Seat, u Dr. Ricky AJ Syngkon.
Discussion about this post