Jowai: Ka East Jaiñtia National Council (EJNC) – Central Executive Council, kam chi bynta wow pynkhlan ya i rukom krehkaam yong ka, ha kani ka 15tarik wa dadep ka da pynman ko da ka yalang wow pynskem ya kiwa kitkaam wa ki dkhot wa thymme yong ka.
Ya kani ka yalang da pynlai da u Nangjan Dkhar, Finance Secretary ka EJNC – CEC, wei da yoh ya ki kyntien pdiang burom na u Pdianglang Dkhar, President ka EJNC – MEU.
Ha kani ka yalang da pynskem ya u Monsing Langstang, kam u Vice President, u Shibun Tlang, Sport Secretary, u Listen Suchiang, Art & Culture Secretary wa u Fullki Dkhar, Asst Organising Secretary.
Ha kani ka sngi da yoh leh wow thung ya ka Adhoc Committee yong ka EJNC – Eastern Zone, heiwa da jied ya u Sanla D Lamurong kam u President, u Winchester Suja kam u General Secretary wei kamwa 11 ngut ki Executive Member.
Discussion about this post