Ka Jaiñtia Students Movement (JSM) Western Region ynne ka sngi da yoh ko wow pynskem thymme ya kiwa kitkaam ka Jowai Circle deiwa sakhi lang kiwa kitkaam wa kynthup nadooh u President Rangbah ka JSM u Leningstar Rymbai, u Shnalad Rymbai President ka JSM Eastern Region, u Marbood Chyrmang, Financial Secretary ka Central Body wa kiwi kiwi kiwa yahkhmat ka Western Region, Thadlaskein Circle.
Ya ka yalang da pynlai da u Sebastian Sapuh uwa man leh u Organising Secretary ka JSM Western Region, wei da pyndep ya ka kaam wa kyrpang wow pynskem ya kiwa ksohkaam wa thymme kani ka Circle da u Leningstar Rymbai.
Hadein wa pynskem ya kiwa kitkaam ka Jowai Circle, da yatai yaki kaam wow pyndooh noh yei rukom krehkaam ka Jowai Municipal Board (JMB) hapoh Jowai wei kamjooh wym e laad leh hapoh ka Ri-loom Jaiñtia hi waroh kawi.
Kiwa kitkaam wa thymme yong ka JSM Jowai Circle man ki kamni ha wah:
U President u Nick S Sungoh, u Vice President u Chanbor Pala, u General Secretary u Banskhem Suchiang, u Asst. Secretary u Edmund Lamare, u Organizing Secretary u Heingaitmiki Sten, u Publicity Secretary u Ribha Miki Dkhar, ka Finance Secretary ka N. Dkhar, u Sport Secretary u Heiboy Myrphet, u Art and Cultural Secretary u G. Suchiang, deilang wa 6 ngut ki dkhot ka Executive Committee .
