Ka Jaiñtia Student’s Movement (JSM) Western Region ha ka 25 tarik uni u bnai da yoh ko wow pynskem ya kiwa kitkaam ka JSM Western Region West Jaiñtia Hills District.
Ya kani ka yalang jied ya kiwa kitkaam da pynlai da u Eddi Lamare uwa man u Vice President ka JSM Central Body deiwa emlang u President Rangbah, u Leningstar Rymbai, u P.S. Phawa, Chief Organising Secretary ka JSM Central Body deilang kiwa yahkhmat ka JSM Central Body chirup kiwa kitkaam ka seiñ nadooh ki Unit, ki Circle kiwa haap hapoh i pait ka JSM Western Region West Jaiñtia Hills District.
Neiliang u Leningstar Rymbai da e u yei klam hajrong ki mat krehkaam ka JSM kamjooh leh ya ki kyndon kiwa ka seiñ da lai luti ko deiwa kyntu leh ya kiwa yalam ka JSM Western Region wow kit ki ya ka lyngkor kam kiwa yahkhmat khlem khnium khlem rem haka thma i pyrkhat.
Ya kiwa kitkaam thymme da pynsmai da u Eddi Lamare uwa da pachat leh ya ki kyntien kyntu kynpham ya waroh kini kiwa kitkaam neibynta u snem 2026-2029, wei da booh u leh yei kyntu ya ki wa hap ki u e i chakri wa hok ya ka imlang ka sahlang.
Kiwa kitkaam kynthup ki ya u Heihok Supuh kam u President, u Shanskhem Suchiang, Vice President, u Overjoy Lamare, Secretary, u Sunidonhi Sari, Asst. Secretary wa kiwi kiwi kiwa yalam ka seiñ ha ki kaam waphær waphær hapoh ka Western Region.
Neiliang ka JSM Western Region da rai ko wow booddien kamjooh wow e ki kti yarap cha ka imlang sahlang nadooh ka puræ puthi, i chait i nang wa kiwi kiwi ki mat neibynta ka Ri Jaiñtia ka Ri 12 Dolloi.
Discussion about this post