Ka Seiñ Kur Dkhar West Jaiñtia Hills Unit ynnin ka sngi da yoh ko wow pynkha yaka chnat krehkaam yong ka ha chnong Ksehrynchang deiwa yoh i klam tbian na u Hamjhan Dkhar uwa man u General Secretary yong ka Seiñ Kur Dkhar Central Body uwa da yaroh ya kiwa kitkaam warim ka seiñ kiwa da seiñ yaka seiñ kur yow lait nei chongkha sang wei yow em i yatylli.
Da ong leh wa hanla ka kur Dkhar em ko cha kiwi kiwi ki bynta ka ri wei ka rukom siñ leh ha jar jiar ki thaw man ki da kamwi won tangwa ha ki kot ki sla i pyrtuid toh u man bait ka jait Dkhar.
Da yoh leh yei klam na u Vice President ka East Jaiñti Hills, u Shaniah Skem Dkhar wei neiliang yong oo leh da ong u wa kam ka kur ymtoh wow sñiaw phær jaitbru wei jait niam, wei da sneiñ u leh ya ki khon khynroo khyllood ha kani ka sngi kiwa da chah pynkup burom wow man ki kiwa minot ha ki kaam ki jaam yong ki wei wow man leh kiwa tip bru tip Blai yow poi cha ka thong.
Da ong u leh wa neiliang ka kur da thrang sakhiat ko wow em kitæ ki sahep kiwa heh kyrdan khamtam ha ki kyrdan IAS, IPS wa kiwi kiwi de.
Da pynskem ya kiwa kitkaam ka kur ha chnong Ksehrynchang da u President Rangbah ka Seiñ Kur Dkhar, Central Body, u Harvis Dkhar uwa da sneiñ leh neibynta ki kynthai kiwa da em kurim wow burom ya jar jiar ki kurim wa ya kiwi ki chynrang kamjooh.
Discussion about this post