Ka Seiñkur Bahkhla Central Body ynnin ka 29 tarik da pynman ko ya ka yalang ka kur ha Yung Dorbar ka chnong Ummulong heiwa da pynskem ya ka Unit yong ka kur ha kani ka chnong.
Ha kani ka yalang da yahkhmat wow chim ya ki kyntien kular ka Unit da u Adviser yong ka Seiñkur u Damewanhi Rymbai wei ya ka yalang da pynlai da u President ka Seiñkur u Tyrnit (Pdeiñ) Sana.
Kiwa kitkaaam kani ka Unit man ki kamni hawah:
Chairman- J. Marphaitson Kyndiah
Vice Chairman- Pynchebha Ryngkhlem
General Secretary- Embhahlang Rymbai
Asst. Secretary- Jennifer Toi
Treasurer- Io-Hi-Ai Kyndiah
Da jied leh ya u J. Marbud Kyndiah wa ya u Dr. Heiplanmi Rymbai kam kiwa e buit namo Adviser yong ka Unit.
Ha kani ka sngi da yoh leh ya ki kyntien sneiñ kyntu na ki waheh wasian yong ka kur nadooh u Damewanhi Rymbai uwa da pynche ya ka yurim krehkaam ka seiñkur, u Lasky Rymbai, u Madonbai Rymbai, u Selfdenial Lyngdoh (Rymbai), u J. Marbud Kyndiah wa u Dr. Heiplanmi Rymbai.
Chooh chooh ha kani ka sngi da pynlait paidbah leh ya ka Calendar ka kur da u khon yong ka kur u Lasky Rymbai uwa man leh u Deputy CEM ka JHADC.
