U MDC ka Mynsngat Khanduli, u Dawan Lyngdoh da beiñ joor u yei wan pait ki bru ka Karbi Anglong District deilang wa u MLA waka MDC ka Karbi Anglong yei thaw wow booh ya ka Border Outpost (BOP) ha i thaw wa dang em hapoh ka chnong Lapangap, West Jaiñtia Hills District kawa em leh hapoh ka Elaka Shiliang Myntang.
U Dawan da ong u wa ym ye u pdiang yeini wei da kyrpaad u leh ya ka sorkar wow chimkhia wei wow tuklar ya ini chwa wow jia iwa sñiawsih neibhah lada ka Assam yoh laad ko wow booh ya ini da man ko i eh ya ki bru yong i kiwa toh ki tre chnong kiwa chong wa sah cha kini ki thaw.
Da ong u leh wa ka sorkar Assam da dep chna yabor ko ya ki sarok chapoh u pood u ang ka jylla Meghalaya han lada ki paidbah pyrchah ki, kamtæ ya kani ka BOP neiliang yong oo wa kiwa chong chnong ym e laad ki wot wow sdang leh, wei lada ka Assam pyrchang ko, kam ki paidbah daw pynoo ki dei bor.
Kamtæ yow pynneh yei chongsuk chong saaiñ da kyrpaad ya u Montri Rangbah ka jylla, u Conrad K Sangma wow tuklar smat u hajrong ini khnang wow neh i suk ka saaiñ yow lait u dooh yei thaw yong ka jylla yong i.
Puræ leh: Wan pait ka Assam yei thaw wow booh BOP wa dang haap hapoh ka chnong Lapangap
