Ka seiñ All Jaiñtia Muster Roll Workers & Labour Union, Central Executive Committee (CEC), hadien wa da yoh kyrchaan ko na waroh ki para dkhot yong ki Block ki Unit waphær waphær lyngba ki yalang yachem yaphyllu wa dadep pynman ha Mukhla Thadlaskeiñ Block, WJH, ha Khliehriat, EJH ha Amlarem Block, WJH wa ha Shangpung WJH.
Ynne won da pynman ha Jowai heiwa da pynskem yei rai wow ku Shillong bait ha ka 17 tarik uni u bnai yow dawa yei hok naka sorkar hajrong i pynslem ka sorkar jylla u pynku bai nongsngi (Variable Dearness Allowance), ka Basic Floor Rates, i wym pu em pynkrehkaam ya ka RCW haka chnat PHE la 28 snem wa kiwi de ki mat dawa.
Hei yaklam wa ka Wegetwell Rumut, Secretary ka All Jaiñtia Muster Roll Workers & Labour Union, Central Executive Committee (CEC), hadien ka yalang wa da pynman hynne ka sngi ha Jowai da kyrpaad ko ya u Montri Rangbah ka jylla wow pynsmat chimkhia u ya ki mat dawa yong ki chwa ka 17 tarik, neibhah wa ki leh wym em kwah ware ki dei yakhih bait.
Tangwa neidaw wa kheiñ tiñ ware ka sorkar ym yohsa ki u chim da ka luti wow pynbna yakhih.
Discussion about this post