Ka Dong Lummajar Club Nartiang da pynsñiawbha ko ya ki khon khynroo khyllood kamjooh ya ki khynnah deiwa pynman da ki yalehke wa boon jait haka 27 tarik uni u bnai kawa da e pyrtuid kam ka Sports Activities.
Yeini da leh deiwa yoh yarap naka yung krehkaam u District Planning Officer, West Jaiñtia Hills District hapoh ka Chief Minister Youth Development Scheme wei da pynman ha Nartiang Dong Lummajar ha ki ar tylli ki madan kawi ha Madan Majar wei kawi ha Madan PWD Nartiang.
Ha kini ki yalehke Sport da wan wow chimbynta palat 200 ngut ki khon khynroo khyllood, ki khynnah kamjooh waki manbei kiwa da wan wow pynchongchit.
Ki yalehke wa da pynman toh ka Dat Moo Poiñ, ka yataan tylle, ka yaknieh chuki wa ki yaphet pyllah heiwa da sdang dei ktien pdiang sñiawbha na u Nidaioh Myria, Chairman yong ka Club.
Da yoh leh yei klam na u Yiang Maskut Secretary uwa da e khublei yaka District Planning Office, West Jaiñtia Hill District, kamjooh leh ya u Montri Rangbah, u Conrad Sangma uwa da chna kyrpang ya kani ka Scheme neibynta ki khon khynroo khyllood kam ka dak wow pynchlur ya ki wow mih ki chakhmat wow wan pynyoo yei sap yong ki khnang wow ku ka kaam Sports hapoh ka jylla Meghalaya.
Discussion about this post