theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pynsñiawthooh ka chnat Veterinary hajrong ki kjut wa boon jait yong ki mrad

Advertisement ad1

Hajrong ka yurim wow pynku yei rukom psan mrad hapoh ka District wa ka Jylla neidaw wa ki bru cha i  khlan bha ki u baam doh katwa u pynmih won hap chaniah  na baar, kamtæ neiliang ka chnat District A.H. & Veterinary Office, Jowai ynne ka sngi da pynman ko i pynsñiawthooh ya ki paaid warep ka District hei yatoh ki kjut waphær waphær wa em ha ki mrad wa kam kiwa psan mrad hap ki wow paitsiar yei chait i khiah yong ki neipor cheipor khnang yow yoh myntoi.

Ha ka yalang wada pynman ha Chutwakhu Indoor Sport Hall Cum Auditorium, Jowai ynne ka sngi wa pyllai da u Dr. D.I. Kjam u District A.H & Veterinary Officer, u Dr. G.L. Niang u Sub Divisional A.H & Veterinary Officer Amlarem hei klam yahkhmat yong oo da pynsñiaw u ya ki jait kjut wa em haki mrad wei da ong leh hawa sdang u psan mrad nyngkong pyrkhat wa toh daw kjut ki, neitæ i daw emkaam ya ki warep kiwa psan mrad u chah hikai ki.

Ki arngut wa kynthup ya u Tanly Lapasam wa u P. Lyngdoh uwa man leh u waheh chnong ka Chutwakhu hawa khana ki yei lai luti wei jop hei kaam psan mrad, kyntu ki ya kiwi wow chimkhia yei kaam natlor wow lai chah hikai hei yatoh ka kaam wa mut u sdang kamjooh leh u yachem yumut waka chnat Veterinary.

Neiliang u Wailadmiki Shylla u MLA ka Jowai hawa e yei klam kam u kongsan da ban joor u hajrong i emkaam u pynpliah u thooh ki laad yutip yow ye u lai chakhmat yei khih i kreh neibhah ka kreh sorkar wymtoh de iwa suk u yoh ha kini ki sngi, seiwi lada bien u chimkhia hei kaam psan mrad i yoh nong dang boon bar ya kiwa kreh sorkar.

Neitæ kamwa ka sorkar da wanrah ko ki Mission waphær waphær haka jylla da kyntu u wow chim kabu na ki, wei yaki laad yarap wa yoh na ka sorkar toh u chim kam i sdang wow seiñ yei khih neitæ u pteiñ won u pynheh.

Hejooh i por da ong u ymtoh u sarom yeiwon iwon i kreh i khih, kamjooh manda rap hoi leh ymtoh u sarong.

Ki bru chemphang wada e i batai pynche cha ki paidbah ha kani ka sngi kynthup ki ya ka Dr. E. Passah ka Sr. A.H. & VO (Poultry) Jowai kawa da klam hajrong ka phang Emerging & Re-emerning Disease with Special Reference to Zoonotic Disease, ka Dr. Rimica Talang ka A.H. & VO Veterinary Officer Dispensary Nangbah hajrong ka phang Important of Vaccination and Deworming in Livestock, u Dr. S.M. Toi u A.H. & VO Veterinary Dispensery Thadlaskeiñ hajrong ka phang Importance of Clean Milk and Meat Production, wa u Dr. H. Niang u A.H & VO (VU) Jowai hajrong ka phang Importance of Ear Tagging in Large and Small Animal.

Share this:
Previous

I-Day Cup U-17: Jop ka Demthring, Sabah Muswang, Dongmihsngi waka Saindur Mihmyntdu

Next

2nd Division: Khlem em wa jop hapyrdi ka NSA waka Lumpariat