theme-sticky-logo-alt
theme-logo-alt

Pynsñiawthooh ka DCPU chaphang ki aiñ yada yei hok ki khynnah ha ki chong ka West Jaiñtia Hills

Advertisement ad1

Ka District Child Protection Unit (DCPU), West Jaiñtia Hills da pynman ko ya kiwa boon ki pynsñiawthooh wa ki lehke drama (Street Play) wow pynche ya ki khynnah wa ki paidbah hajrong ka Integrated Child Protection Scheme (ICPS), Juvenile Justice Act (JJ Act), Protection of Children from Sexual Offences (POCSO) Act wa ki hok ki khynnah wa ki kaam wa man pyrchah ya ki (Child Rights and Child Abuse). 

Kani ka yung krehkaam da pynman ko leh ya ki Street Play hajrong ka POCSO Act, Early Marriage & Adoption wow pynkynmoo ya ki paidbah yei kaamram wow yada ya ki khynnah ha waroh ki liang wei wow pyntip ya ki khynnah ya ki hok yong ki katkam ki aiñ. 

Advertisement ad1

Ya kini ki pynsñiawthooh da pynman ha ka 13, 14 wa 15 tarik uni u bnai ha Kiang Nangbah Secondary School, Mukhla, Umlangshor, ha Tipsngi Upper Primary School, Nartiang wa ha Thadmuthlong Pasyih Upper Primary School, Phramer katwa ya ki Street Play da pynman ha Wahiajer Iawpynsin, Nartiang, Thadmuthlong wa ha Yaw Phramer.

Ki bru chemphang ha kini ki sngi da batai bniah ki hajrong ka aiñ Integrated Child Protection Scheme (ICPS), Juvenile Justice Act (JJ Act). 

Da pynche leh hajrong ka aiñ POCSO Act heiwa kani ka aiñ klam ko hajrong kammon wow yada ya ki khynnah na ki kaam wa man pyrchah ya ki. Da batai leh ya ki khynnah ya ki daw wa i chah ktah nei chah leh khlemakor deiwa kyntu ya ki khynnah wow man kiwa syndong. 

Share this:
Previous

Kut noh ka 6th Khulumala Memorial Football Tournament ka Jingiaseng Samla Pala District

Next

Da Charge Sheet 1354 tylli ki kaam khayi mooyong pyrchah ya ka aiñ: Conrad