theme-sticky-logo-alt
theme-logo-alt

Pynsñiawthooh ka MCSWA yei e sikai mynkna wow man kam ki Home Health Aide/Care Giver ha Mihmyntdu wa Salaroh

Advertisement ad1

Ka Mihmyntdu Community Social Welfare Association (MCSWA) ryngkat wa ka Meghalaya State Skills Development Society (MSSDS) yong ka sorkar jylla da pynman ko ya i pynsñiawthooh namo ka Awareness Programme cum Mobilisation Drive ha ar tylli ki chnong.

Ha ka 10 tarik da pynman ha Mihmyntdu katwa ha ka 13 tarik won ha Salaroh neibynta wow pynche hajrong ka e sikai wa mynkna yow man kam ki Home Health Aide/Care Giver.

Advertisement ad1

Ha kani ka sngi da yoh i klam na u Skill Development Officer, MSSDS u Lambormi Suchen uwa da pynche hajrong ka Skills Meghalaya Project ka sorkar wa ki rukom e sikai wa pynman hapoh ka Skill Meghalaya Programme neibynta ki khynnah wa dadep HSSLC wei ki wym yoh u pteiñ yei puræ.

Ha kani ka sngi da emlang u Waheh Chnong ka Mihmyntdu, u Abul Phawa wa u Secretary kiwa da e yei kyntien sneiñ kyntu ya ki khynnah kynthai wa chynrang wow wan chakhmat neibynta wow chim kabu ya ki laad yarap wa e ka sorkar.

Da yoh leh i klam pynche hadien ka yalang wa kammon wow yoh kreh, wei ya ini da pynche da ka Director ka MCSWA, ka Dr. JN Shullai heiwa da ong ko wa emkaam wow man ki bru wa raikut khnang wow wanrah yei myntoi ha ka imlang sahlang. 

Ki heh ka MCSWA da pynche ki leh hajrong ka Home Health Aide/Care Giver hapoh chnong Jowai kawa man ka e sikai ka wym emkaam wow su wei ya ki Certificate daw e manda pyndep ya i chah hikai. I por wow pyndep ya kani ka Training man ko 3 bnai wei u pynman ya ka nadooh Monday hadooh Saturday, 11:00 waje i step hadooh 4:00 waje noh-chariñ sngi.

Ha kani ka sngi ki paidbah khamtam ki khynroo khyllood da wan chimbynta ka’it mynsien ki wei da em leh i phyllu yumut hapyrdi yong ki. Hawa kut ka yalang da em chiboon kiwa da pynpsiah pyrtuid wow chah hikai ya kawa daw sdang ha u bnai wow wan.

Share this:
Previous

Da ki Jersey thymme yoh kiwa yalehbol ka Bataw Umsoo Football Club

Next

Kyntait ka Thangrain wa u Shidorki toh uwa naka chnong, dawa pynbait yeiwa pynbna u Montri