Ynne ka sngi, ka Unemployment Youth Development Society (UYDS) kawa man ka Society wa kreh mon sñiawbha neibynta i bha i miat hapoh ka imlang sahlang khamtam ya ki khynroo, da yoh ko wow pynman yaka yalang pynsñiawthooh paidbah hajrong ka ‘Career Counselling and Guidance Workshop and Clinic’, ha chnong Mooshrot kawa da kyrchaan lyngba ka YESS Meghalaya.
Ha kani ka sngi, da em ki phaw ngut ki khon khynroo khyllood kiwa da chimbynta ha kani ka yalang pynsñiawthooh chaphang ki jait kreh heiwa da pynlai yaka yalang da u Niawkor Suchiang kam u Chairman.
Kiwa da e yei pynsñiawthooh namo ki bru chemphang ha kani ka sngi toh u Optimist Sdor, ka Allemchila Izodir, ka Sanijaijai Khynriem, kiwa da pynchlur ya ki khynroo khyllood wa da ieh chiteiñ yei lai puræ wow pteiñ biang ki yei puræ yong ki hanlada maad ki yei eh deiwa e buit ya ki leh wow seiñ khih ki wei wow kreh chitom na mynsien lada kreh ki ha kiwon kiwon ki jait kaam, wei lada chem ki yei eh leh toh wow paan yumut ki na ki bru chemphang. Da pynchlur leh ya ki khynroo khyllood wa hawa lai puræ wow em ki yei thong.
Da yoh leh yei klam na u Rimiki Lathong uwa man leh u President yong kani ka seiñ uwa da kyntu ya ki khynroo wow man ki kiwa smat wow kreh mon sñiawbha hapoh ka imlang sahlang khlem da khwan myntoi wow yoh nong myntu myntu, khnang wa hadien yow ku lang hapoh ka imlang sahlang waroh.
