December 10, 2022
Ka tamasa wa tip kam ka Waikhyrwi Festival da wai yaka ynne deiwa lai Trekking heipor 6:00 waje i step na Synrang Banghang Dkhiah West na khlieh ka wah Waikhyrwi hadooh ka Thwai Syiem Lidakha, Moopala hajrong ka phang pyrdi kani ka tamasa wa ong ‘Save Green Save Life’.
I pynman ya kani ka tamasa toh yow sahkynmoo ya ki parom warim ki waheh nachwa, wei wow rah wyrta yei kordor ka bei rymaw wei yow sumaar syndong kamjooh wow pynneh pynsah ya ki soodong sookun yong ka.
Ya kiwa chimbynta ha kani ka lai Trekking da pdiang burom daka Dorbar Chnong Moopala deiwa emlang u waheh chnong, u Morning Shadap waki dkhot ka chnong kiwa da pynbiang da ka cha wa ki umsoh.
Yei thmu kani ka tamasa da khana hadien wa kut ka lai Trekking, heiwa ka Persia Phawa, Asst. Professor (Khasi Dept), ka Jaiñtia Eastern College, da khana ko chaphang ka Wah Waikhyrwi wa ki parom u Woh Ryndi waka Lidakha wei da puræ ko leh yaka sur Poetry ka Waikhyrwi waka Lidakha.
Kani ka Waikhyrwi Festival u pteiñ ko kattu haka 13 wa 14 tarik uni u bnai.
