Ka Phase-II Recruitment Drive wa pynman da ka Meghalaya State Skill Development Society (MSSDS) neibynta u wai ki laad ki luti ya ki khon khynroo khyllood wa em sap ha ki jait khih waphær waphær da sdang ya ka ha ka 17 tarik uni u bnai ha West Jaiñtia Hills District wa kynthup ya ki jait kreh ha ka Healthcare & Nursing, Manufacturing & Production, Hospitality, Hotel & Food Service, Wellness Spa & Beauty, Construction, Automotive/Mechanical, Driver/Transport, BPO wa kiwi.
Ya kani ka Recruitment Drive da sdang ha Kiang Nangbah Government College, Jowai heiwa ki khynroo khyllood kiwa da wan mih da yoh ki leh i batai pynche heiyatoh wa i khih i kreh wa ye ki u yoh.
Ya kani ka Recruitment Drive daw pteiñ pynman sa cha kiwi won ki chnong ki thaw ka District, heiwa ha ka 19 tarik u August u pynman ha Iooksi (Kyanmynsar) Community Hall, ha ka 21 tarik u August ha Nongtalang Khlashympa Community Hall, ha ka 25 tarik u August ha Ladmukhla Community Hall, ha ka 27 tarik u August ha Namdong B Community Hall wa ha ka 1 tarik u September ha Raliang Community Hall.
Neiliang u Lambormi Suchen, District Skill Development Officer West Jaiñtia Hills, khana u wa na ka Recruitment Drive wa dadep pynman, kamwa man kattæ da em ki khynnah ka Ri-loom Jaiñtia kiwa da kreh ha ki Agency waphær hapoh India hi, wei chwa u kreh ki leh da e Training ya ki wei sñiawsuk u leh wa yoh u ka khubor wabha na ki heiyatoh ki kaam wa kreh ki.
Kamwa man kattæ won ong u dang pyrchang ki u pynyoh kreh sa cha baar India, wei ini rap chimpor i neibhah wa hap pyndep nadooh wow pynbait ya ki Passport yong ki, u phah pait bniah yei chait i khiah ki cha ki thaw wa pdiang ka Company wa kiwi de kiwa emkaam.
Pynrap haroh u wa lyngba kani ka Meghalaya State Skill Development Society da yoo wa yoh myntoi bha ki khynroo khyllood neidaw wa ki laad yoh kreh da wan ki pyn heithaw wa chong wa sah, ymtoh de kam nachwa wa kam kini ki Recruitment Drive hap ki u lai cha baar ka jylla.
Discussion about this post