Pynther Case: Daw phah pyndam ki pulit ya ka jamin ki 11 ngut lada chem wa chah dat u Trophimos hadooh wa yap

U Superintendent of Police ka East Khasi Hills, u Vivek Syiem da khana u wa ki pulit da khloh biang ki yei metyap u Trophimos Khongmawloh wei da pyndep ya ka Post Mortem ynne hi ka sngi.

Da ong u wa ki pulit kattæ dang yang ki ya ka Post-Mortem Report wei lada chem toh wa chah pynyap, ki pulit daw lai ki cha ka yung Kasari yow phah pyndam ya ka jamin wa da chim chwa da ki 11 ngut ki bru na ka chnong Pynter.

I lai tih biang yei metyap u Trophimos yow leh Post-Mortem toh hadien wa da chah pynbaad wa da chah dat chah bom ha u waheh chnong ka Pynter wa ki Village Defence Party (VDP) ha ka 7 tarik hadooh wa yap wei da tlep won ha ka 9 tarik.

Hajrong ini wa jia, 11 ngut ki bru da chim jamin chwa ki ha ki sngi wa dadep yow lait nei chah kem.

Related posts

Lehkmen ka Ialong ya ka Independence Day deiwa kynmoo ya ki kaam pynroi wa i ku ka puræ puthi

August 15, 2026

Chongchit ka lehkmen Independence Day ha Wahiajer

August 15, 2026

Hawa kylli, u SP da ong u wa katkam ka takit wa da sdang, da em sakhiat i chah dat, wei em ki daw wa hap wow tuklar da u waheh chnong wa ki VDP, tangwa yow tip won lada yap toh nei chah dat næ da kiwi ki daw, u tip rap bniah hadien wa da yoh ya ka Post-Mortem Report.

U SP da ong u wa ki pulit da takit ki na waroh ki liang hajrong ini wa jia tangwa neidaw wa hadooh 11 ngut ki bru kiwa da chim jamin chwa, ym mut wym em emkti ki.