Pynthymme ka Rotary Club Jowai ya kiwa ksoh kaam ha ka sngi dap 31 snem i lai luti

Ka Rotary Club Jowai hei janmiet ka 29 tarik uni u bnai kawa man leh i dap 31 snem i lai luti yong ka, da pynthymme wei pynskem ko leh ya kiwa ksohkaam yong ka neibynta ka samoi krehkaam u snem 2026-27, ha ka yalang wa da pynman ha Borbon Hotel, Jowai.

Ha kani ka yalang, u Rtn. Dr. Mrinal Borthakur, MS Assistant Governor, RID-3240-2026-2027 da wan emlang u kam u kongsan.

Neiliang u Rtn. R. Nongtdu (RFSM), President yong u snem 2025-26 chwa wow e kti ha u Rtn. S.K. Lato, MPHF u President wa thymme Rotary Club Jowai neibynta u snem 2026-27, da klam e bor e mynsien u ya ki para dkhot katwa u Rtn. S.K. Lato won hei klam da khana u ya ki ar tylli ki kaam wa hakhmat wa booh thong u wow kreh ha kani ka samoi itæ kynthup ya ka Education wa ka Environment najrong i chait i khiah.

U kongsan Rtn. Dr. Mrinal Borthakur, MS Assistant Governor, RID-3240-2026-027 hawa e yei klam ong u ka Rotary toh kawa krehkaam da palat 100 snem ha kylleiñ ka pyrthai, wei waroh ki Rotary man ki kiwa kreh yei kaam khlem pynyoo wei boon ki wym tip.

“Hawa yarap i yeiyi yeiyi ymtoh wa da leh i yei kaam wa khroo, tangwa kiwa pdiang hi toh kiwa pynman ya i u leh i iyi ræ iyi neibynta yong ki”.

Hawa kdaw u ya ka Public Toilet wa dadep chna ka Rotary Club Jowai ha Kiang Nangbah Stadium, ong u hanla kani man ka Project wa khian leh tangwa kawa pynmyntoi ya ki paidbah.

Related posts

Wa chah ktah ki 18 chnong nei sih u Breaker ka Sub-Station, dawa ki ar seiñ wow kylliang thymme

July 31, 2026

Dawa ka JSM wow pynlait noh hapoh 24 kynta ya kiwa kitkaam ka JNC lym kamtæ daw pynman yakhih

July 31, 2026

Kamtæ yooluti u wa neini chakhmat leh u nang ye chooh chooh ka Rotary Club Jowai u e i chakri cha ki paidbah ha ki bynta waphær waphær.

Kiwa ksohkaam thymme ka Rotary Club Jowai neibynta ka samoi yong u snem 2026-27 hei yahkhmat u Rtn. S.K. Lato, MPHF, President wa u Rtn. R.E. Laloo, Secretary toh u Rtn. A.A. Shullai, Vice-President, u Rtn. Dawan Biam, Jt. Secretary, Rtn. Jesper I Slong, Treasurer, Rtn. E.E. Laloo, Club Bulletin Editor, Rtn. Montri Passah, Director International Service, Rtn. D.F. Majaw, Director Vocational Service, Rtn. Ashish Kumar Singh, Director Community Service, Rtn. Stanly Roy Mulieh, Director Literacy Service, Rtn. V.H. Pala, Fund Raising Project, Rtn. E.F. Gatphoh (MPHF) Foundation Club Trainer, Rtn. R. Nongtdu, Director Youth Service, Rtn. Samehi Laloo, Executive Secretary, Rtn. Deibormi Toi, Service Project, Rtn. J.M. Pohsngap, (PHF) Membership Chair, Rtn. Fencing Syrti, Club Learning Facilitator, Rtn. Kiki Pakma, Public Image Chair.