Ka sorkar Meghalaya da pynthymme ko yei dor nong sngi namo ka Minimum Wage kawa da krehkaam nadooh ka 1 tarik u Naichiphaw, 2022 heiyatoh wa ki kaam rep, kiwa kreh hei chna yung wa kiwi ki jait chna wa kynthup ya ka Public Health Engineering wa kiwi; kiwa choh moo wa kiwi kam kini ki jait.
Ini u kynthup ko leh ya ki jait kreh kam ha ki bordiñ, ka umkor, i tih khyndaw, i thaaiñ that; u pynneh pynsah ya ki soh namo ka Fruit Preservation; ka Soil Conservation; Animal Husbandry & Veterinary; Forest; Local Authority; ki kamai kari; Saw Mill; Plywood Industry; ki karkhana chna kari; Furniture Industry; i chet baam dih cha; kiwa kreh ha ki dukan dukdoh; ki Printing Press; Sales, Distribution and Handling of Petroleum Products; Steel Fabrication, i chna mooblok; i soor that; chna mombati (Wax and Candle Industry); kiwa kreh Hotel wa Restaurant; kiwa kreh ha ki thaw tih marpohkhyndaw; kiwa pynkhooid dooid (Safai Karamcharis); kiwa kreh ha ki karkhana; kiwa kreh ha ki chnat sorkar kam ki Casual Contingency Employee; kiwa kreh ha ki yung ki sem ki bru wa kiwa kreh kam ki Security Guard.
Ini i dor nongsngi wa thymme toh T. 381 ya ki Unskilled, T. 432 ya ki Semi-Skilled, T. 482 ya ki Skilled wa T. 534 ya ki Highly-Skilled.
