Ka jylla Kerala da pyntikna ko wa em uwa dang 24 snem uwa da yap na u khñiang Nipah Virus wei da yachem u wa 151 ngut ki bru.
Wa uni da em ar ngut kiwa yap na u Nipah Virus ha Kerala nadooh u Naiynñiaw uni u snem.
Uni uwa dang yap da sdang u wow chitom ha ka 4 tarik uni u bnai wei da khlaad u hadien san sngi ha chnong Malappuram, Kerala.
Yei snaam u da phah Test ha ka National Institute of Virology, Pune heiwa da pyntikna wa yoh u ya uni u khñiang.
Da em leh 5 ngut kiwi kiwa yachem u kiwa da sdang wow mih ki dak ki chin wa chitom wei yei snaam kini leh dang phah Test ki.
Kam wow pynkynmoo wa uwa nynkong wa yap ha uni u snem ha ini i jooh i chnong na u Nipah toh u khynnah wa dang 14 snem ha u Naiynñiaw.
Yeini waroh da pyntikna da ka Health Minister ka jylla Kerala, ka Veena George ynnin ka sngi.
Uni uwa dang yap toh uwa lai puræ ha Bengaluru wei da liwan yung u neidaw wa takha ka kjat u tangwa neidaw wa joor leh ka iñ doh oo, da lai booh oo ha Hospital wa em ha Perinthalmanna heiwa da khlaad u leh heini hi.
Neiliang ki bor District da phah ki leh wow deiñ Mask ki bru nadooh myntu ka sngi kat hadooh wa pynbna da kamwi.
Discussion about this post