Neiliang u montri rangbah ka jylla u Conrad Sangma wa u Chief Scretary ka jylla da pyntikna ki ynne ka sngi wa uwi u Doctor ka Bethany Hospital, Shillong da yoh u ya u khñiang COVID-19.
Neiliang ka District Magistrate ka East Khasi Hills da pynkrehkaam ko daka Curfew 48 kynta ha Shillong wa ki thaw wa em chajan nadooh ka 14th April wei u pynlait du kitu kiwa ki wakreh haki kaam Essential Services.
Da kyntu ya kiwa chong chnong wow ya krehlang ki wei ym toh u mih ki napoh yung ki.
Ya kitu won kiwa da lai cha Bethany Hospital, Nongrim Hills, Shillong, haka 22nd March 2020 wei hadien kani ka tarik wow Register ki wut wut deiwa phone ha u number 108 lane deiwa lai ha www.meghalayaonline.gov.in/covid/.
Da ong leh waka sorkar da man ko kawa da pynkhreh wow chimkti ya kani ka kaam wei ym toh wow hær’rngu lane wow khuslai.
Da kyntu leh ya waroh wow tymmoh yei khmut wa i ktien ki da ki that wa ar ratap yow pynman kam ka Mask wei wow man kiwa lehkhooid khamtam yaki kti, wa heipor wa kyoh wei wow bood yaka Social Distancing.
Heiyatoh wa ini, daw pynman yaka Cabinet Meeting mynstep ka 14 tarik yow chong pyrkhat wow lai chakhmat.
Neiliang u Conrad won da ong u wa ini man ko kawa sñiawsih yaka jylla hadien wa da yaleh katwa ye yow lait na uni u khñiang wei daw pyntip won u hadien wa kammon uni u Doctor da yoh u ya uni u khñiang.
Da pyntip u wa da khang (Quarantine) ya waroh ar ki Bethany Hospital wa em ha Shillong wa ha Nongpoh, wei da phah leh ya waroh ki wakreh kini ki thaw sumaar kamjooh kiwa chah sumaar wow neh ki hapoh kini ki thaw sumaar.
Da kyntu u leh ya waroh kiwa da wan na kini ki Hospital wow wan chakmat yow boodien yaki waroh wei ini ye ko wow chimpor hadooh 72 kynta yow ye sdang u Test yaki waroh.
Discussion about this post