Heiyatoh wa ki kaam wa yatoh wa i pynman ya ka CUET (UG) 2024 Examination wa da pynman da ka NTA, da lai rah yeini hakhmat u Montri Rangbah ka jylla, u Conrad K Sangma heiwa da pynman ya ka yalang hapyrdi ki bru ka NTA, ki heh ka NEHU deilang wa ki bru ka chnat Education.
Ha kani ka yalang da pyntip cha u Montri Rangbah wa em boon kiwa lai puræ ki wym em Register yow yaleh CUET (UG) 2024 Examination, wei boon kitu kiwa Register leh ym em wan ki wow thoh ya kani ka Exam, wei da em leh ki kattu katni ki wym em thoh ya waroh ki Paper ki wym hoi u dam u thoh. Chooh chooh da yaklam leh yei wym biang i pynman ya kani ka CUET(UG) 2024 ha NEHU Centre.
Neidaw wa jia ini waroh, daw em boon kiwa lai puræ kiwa daw dooh ki yei hok yong ki u yoh thaw puræ ha ki College kamjooh ki College wa da tipmit da ka NEHU ha Meghalaya, wei hajrong ini da chimkhia u Montri Rangbah wow yaklam wa ka Ministry of Education yow pynlait na ka CUET (UG) 2024 neibynta ki College ha Meghalaya kiwa da tipmit da ka NEHU neibynta u snem puræ 2024-2025.
Hadien ini neiliang u Montri Rangbah da yaklam u wut wut wa u Union Minister of Education ka sorkar India heiwa da pynlait na ka CUET (UG) 2024 iwa da mynjur leh da ka UGC neibynta kitu kiwa thooh thaw puræ ha ki College wa da tipmit da ka NEHU.
Kamtæ ka sorkar jylla da pynche ko wa ym kheiñ de ya ki CUET Score yow lai chim Admission ha ki College wa em ha Meghalaya kiwa tipmit da ka NEHU neibynta u snem puræ 2024-2025 wei ya ka Admission u jied deiwa pait yeiwa lehbha ha ki Board Exam namo ki Class-XII kamwa da jooh leh ha ki snem wa da dep.
Discussion about this post