Ka ri Thailand da yoh ko ya uwa nyngkong u bru uwa yoh ya u khniang Coronavirus deiwa poor na u bru cha u bru hapoh ka ri, da pyntip ka sorkar Thailand ynne ka sngi iwa da poi kattu waroh 19 ngut kiwa yoh ya uni u khniang iwa man ka ri wa ar wa boon dooh hadien ka China.
Uwa nyngkong dooh wa yoh ya uni u khniang pyn hapoh Thailand toh uwa kamai taxi, da pyntip u Tanarak Pipat, Deputy Director-General of the Department of Disease Control.
“Uni toh u bru u wym jooh em lai cha China wei ye u man wa yoh u ya uni u khniang na u/ka wa wan na China,” da ong u Tanarak.
Ka sorkar da dep ko wow sylli bniah ya ki 13 ngut ki bru wa ki le ngut kiwa ha yung ha sem uni u bru wa da yajan wa oo tangwa hadooh katni ym em pynyoo ko ya ki dak ki chin wa yoh ki ya uni u khniang.
“I laad wow yoh ya uni u khniang ha Thailand toh iwa duna bha, tangwa kattæ leh, ki bru emkaam ki wow yada pyn da ki ya ki hi,” da ong u Tanarak.
Uwa yah taxi man u uwi na ki 5 ngut kiwa da tikna wa yoh Coronavirus ha Thailand ynne ka sngi.
7 na ki 19 ngut toh kiwa da chait wei da yoh ki wow liwan katwa 12 ngut won dang sumaar ya ki ha Hospital. Na kini, arngut toh ki nong China kiwa wan ke cha Thailand da pyntip u heh sorkar.
Kiwa boon kiwa yoh ya uni u khniang kiwa da jan poi 10,000 ngut toh kiwa em ha China hajan Wuhan i thaw wa mih uni u khniang.
Da em la 9 ngut ha kiwi ki ri wa poor uni u khniang na uwi u bru cha kiwi ha ki 5 tylli ki ri cha baar China: ha United States, Germany, Japan, South Korea, Vietnam kattu won ha Thailand.
Ka World Health Organization dang bood bniah ko ya ini wa poor uni u khniang na uwi u bru cha uwi ha ki thaw wa em palat yaka Wuhan, yow lait chooh chooh uni u khniang wow poor.
Discussion about this post