Hadien wa poor i Video ha ki Social Media wa em ki bru wa ong wa chah noh iwi i khonboo ha Khliehriat da ka bru wym biang de i bor pyrkhat, neiliang ki pulit da pynman ki yei takit wei da chem wa kani ka bru toh kawa sah chipor ha ka thaaiñ Khliehriat.
Da chem leh wa kani ka bru toh kawa na chnong Nangbah, West Jaiñtia Hills wei ini da jia i nadooh ka 08-03-25, heiwa kani ka bru da noh ko yei khon ko iwa dang san bnai chapoh kawi ka thlu krem ha i thaw wa tip kam i Khloo Chongwar wa em ha thaaiñ Khliehriat.
Ya ini i khonboo da em wa yoo ki da kiwa chong chnong heipor kamwa 11:00 waje i miet katai ka sngi hadien wa sñiaw yei yaam i wei da hiar lai pynlait im ya ini i khonboo wei da li rah ki cha Khliehriat Civil Hospital yow yoh sumaar.
Hadien da phah ya ini i khonboo cha Jowai Civil Hospital, Ialong wei hadien da kit cha NEIGRIHMS yow yoh sumaar i.
Heiyatoh wa i Video wa pynpoor ki bru ha ki Social Media, dang pynman yei takit.
Discussion about this post