Ha ka kyrwoh khubor wa wan na u SP ka East Khasi Hills, da pyntip wa ynne ka sngi heipor kamwa 1:30 i sngi da em i pdung ha i thaw wa em ka yaw Laitumkhrah, hajan iwi i dukan cha wa em ha ka thaw pynyieñ kari.
Kamtæ da phah ya ka Bomb Squad, Crime Scene Unit wa ka Dog Squad cha ini i thaw yow pynlang ya ki sabut.
Ha ini i takit da pyntikna wa i pdung toh deiwa pynemkaam da u IED heiwa da em 2 ngut kiwa mynsoo malu mala.
Chooh chooh da pyntip wa ha ini i pdung, i chram i dukan dai cha da pra i wei ki yit i yung wa em hajan da piah ki. Ya ka takit hajrong ini da leh da ka Laitumkhrah Police Station.
Kamtæ neiliang ki pulit da kyntu ki ya ki paidbah wym toh u hær-rngu wei lada chem ki ya ki tiar wa yoo phær wa ieh ha iwon iwon i thaw, wow pyntip wut wut cha ki Police Station wa em chajan lane deiwa Phone ha ki Police Control Room Shillong ha kini ki Number 0364-2222214/0364-2222215.
