U SP ka East Khasi Hills, u Rituraj Ravi da pyntikna u wa em i chah hiar thma i yung u Sniawbhalang Dhar uwa man kam u Symbood Montri Rangbah ka jylla iwa em ha Nongmensong, Shillong iwa da jia ynne i step synyaaw ka 26 tarik.
Da pyntip u wa kini ki bru wa emkti ym tip kiyi ki wei neiliang u Symbood Montri Rangbah da dep u wow ujor (FIR) ha ki pulit wei ka takit da lai ko chakhmat.
U SP dapoi u cha katai ka thaw mar ya tip yeiwa jia tangwa ym bien u khana wa lada toh u Petrol Bomb tangwa da ong u wa em sakhiat i hiar thma da ki kynja tiar cha ka yung u Symbood Montri Rangbah.
Hawa kylli, u SP da ong u wa i por wa jia ympu ye u pyntikna, tangwa ki pulit da tip ki wa heipor step, wei neiliang ka chnat pulit da pynkhlan ko leh yei em ki pulit ha kani ka thaw.
I kawang Petrol Bomb ha Shillong da pteiñ i wow jia wei hapoh chi bnai da sakhi yei chah kawang Petrol Bomb ka kari pulit ha Mawlai Police Station, ka kari ki pulit kawa synraan ya u Director ka NEEPCO kawa da jia ha kani ka tayaaw ha Demthring wei ynne i step won sa ini wa jia sa ha i yung u Sniawbhalang Dhar.
U SP da khana u leh wa i pynkrehkaam yaka Section 144 CrPC dang pteiñ i yow khang yei dai Petrol ha ki klong.
Discussion about this post