Ka War West People’s Progressive Forum ha ka 28 tarik uni u bnai da pynman ko yei pyntipmit paidbah ya u Treiborlang R Suchen kam u kyrtong MDC na ka 3-War West Constituency.
Ya kani ka yalang da pynman ha madan chnong Darrang heiwa da em palat spah ngut kiwa kitkaam wa kiwa kyrchaan na ki chnong waphær waphær kiwa dapoi nadooh kiwa da heh da sian, ki manbei manpa deilang ki khynroo khyllood.
Ha kani ka miet da iwi i sur da rai wow kyrchaan pura ya u Treiborlang R Suchen ha kani ka Election MDC kam u kyrtong wa da hunlang yong ki paidbah wei kamjooh leh da yoh yei kitbok kitrwiang ya u kyrtong MDC na ki chnong waphær waphær kiwa em hapoh ka Constituency wei da yoh leh i pynkup burom da ka that ryndia na ki manbei ka thaaiñ kam i dak wow pyn-eh-daw.
Neiliang ka Forum da kyrpaad lang ko ya kiwi ki paralok hapoh ka Constituency wow e kyrchaan lang ya u Treiborlang R Suchen ha kani ka MDC Election neibhah wa da man u u kyrtong wa da hunlang da ki paidbah ka chnong wa ka thaaiñ.
Discussion about this post