U Chief Minister ka Assam, u Himanta Biswa Sarma da pyntip u wa 8 ngut ki nong Bangladesh kiwa psiah tooh cha India na South Salmara ka jylla Assam da ye u pynuiñ biang ya ki cha Bangladesh.
U Himanta da ong u wa ki pulit da man ki kiwa husiar wei da pynkhreh bha ha u pood wow pait yei psiah tooh ki nong Bangladesh.
Ki pulit ka Assam da sdang ki yei kynreh ya ki nong Bangladesh wa psiah wei sah tooh ha kylleiñ ka jylla khamtam kiwa sah khlem em ki kot ki sla wa biang.
La 350 ngut da ye u pynuiñ cha Bangladesh du ha ki bnai wa dadep.
Ka sorkar Assam da chimkhia bha ko yei kyntoor pood ki nong Bangladesh ha ki khloo heiwa da yoh biang u kam ya ki boon Hectare ki thaw sorkar deiwa pynemkaam ya ki poohchiloom wa ki pulit.
Discussion about this post