Pynyaar tnat ka Seiñ Kur Dkhar ha chnong Iongkaluh | Da pynkup burom leh ya ki khon ka kur

Ka Seiñ Kur Dkhar Wapung Circle ha ka 28 tarik uni u bnai da sai ko ya ka tnat krehkaam ha ka chnong Iongkaluh heiwa da pynkup burom leh ya ki khon ka kur kiwa da lehbha ha ki Exam waphær waphær kiwa em 36 ngut na ki chnong wa haap ha ka Seiñ Kur Dkhar Wapung Circle.

Ha kani ka sngi da sdang ya ka lympung da ki kyntien na u President ka Seiñ Kur Dkhar Wapung Circle, u Shaniahskhem Dkhar wei ya ki kyntien pdiang burom da yoh na u Besterwell Dkhar.

U Kyrshan Dkhar kam u General Secretary da puræ u ya ka bui krehkaam ka Seiñ Kur Dkhar Wapung Circle.

Chooh chooh da emlang u Justine Dkhar uwa man uwa e buit ka Seiñ Kur Dkhar East Jaiñtia Hills District Unit uwa man leh u MLA warim ka Khliehriat Constituency heiwa da emlang u MDC ka Musniang Rngad Constituency, u Phasmon Dkhar, u President ka Seiñ Kur Dkhar Central Body, u Harwis Dkhar wa u Hamjhan Dkhar, General Secretary ka Seiñ Kur Dkhar Central Body.

Related posts

Lai yachem u Conrad ya u Modi yow pynku yeiwa ye u yoh yarap ka Meghalaya lyngba ki EAP

January 29, 2026

Daw pynman ya ka General Meeting ka Seiñkur Sungoh Pyllun ha chnong Byrwai

January 29, 2026

Ya i bynta wow e ya ki kyntien kular yong kiwa kitkaam wa thymme ka Iongkaluh Unit da yahkhmat u Teras Dkhar, President ka Seiñ Kur Dkhar East Jaiñtia Hills District Unit.

Da yoh leh i klam na u Roitre Dkhar, President Seiñ Kur Dkhar Iongkaluh Unit wa ki kyntien khublei na ka Rosila Dkhar.