Jowai: Ka Bansara Eye Care Centre (BECC) waka Society for Promotion of Eye Care & Sight (SPECS) da wai ki ya ka Vision Centre ha Khliehriat, East Jaiñtia Hills ha kani ka 26 tarik hei ya krehlang waka Vistex Foundation.
Ha kani ka sngi da emlang u Additional District Commissioner ka EJH u S.S. Syiemlieh wa District Medical & Health Officer Dr. N.P. Suchiang.
Ka Medical Director ka Bansara Eye Care Centre ka Dr. Jennifer Vaid Basaiawmoit da e ko ya ki ktein pdiang sñiawbha wei da batai ko chapang kani ka Vision Centre da ka Roshna Gajmer Basaiawmoit (Head Projects and Civil works) wei da yoh leh yei klam na u Sabitra Kundu, Head- Programme Development, Mission for Vision uwa na Mumbai.
Da emlang leh ki dkhot ka chnong Khliehriat ki waheh chnong wa kiwa mihkhmat ki karkhana wa em ha kani ka thaiñ.
Kani ka Vision Center da man kam wow pynyaar ya i kreh ka BECC’s hapoh ri-loom Jaiñtia wow kreh wow pyndooh yei thlah wa ye u kiar.
Discussion about this post