Hadien wa khang kset ka sorkar China ya ka sorbah Wuhan kawa da chah ktah bha ha u khñiang Novel Coronavirus, neiliang ka sorkar India da phah pynang ko ya ka lieñsuiñ Boeing 747 ka Air India wow lithooh ya ki nong India na kani ka sorbah.
Ka China ha kani ka tayaw wa dadep da khang ko ya waroh wow mih na kani ka sorbah kamjooh leh wow psiah cha ka neidaw wa boon dooh ki bru wa yoh ya uni u khniang em ki ha kani ka sorbah.
Ka Air India hadooh wa man kattæ dang yang ko ya ka hukum na ka sorkar pyrdi.
Hadooh ynne ka sngi du ha China da yap 80 ngut na uni u khniang wei da em palat 2500 ngut kiwa da yoh ya uni u khniang.
Uni u khniang da poor u cha kiwa boon ki ri kamjooh leh ha Nepal wa Sri Lanka.
Ka sorkar India lyngba ka Ministry of Health and Family Welfare da sylli ko ya waroh ki bru wa wan na China ha ki Airport ka ri (India) boi em kiwa da chah ktah ha uni u khniang.
Discussion about this post