Kawi ka manbei da pynyap ko ya soo ngut ki khon ko deiwa noh ki hapoh kawi ka thlu um wa yillu heiwa ka leh da kynthiar lang ko iwa da jia ha Mandsaur District ka Madhya Pradesh ynnin ka sngi tangwa kani ka manbei ym em yap ko.
Kani ka manbei kawa 40 snem i rta da tip kam ka Sugna Bai wei da leh ko yeini neidaw wym em i suk wa u kurim ko wei ini i thaw wa jia toh ha ka chnong Pipalkheda ha thaaiñ Garoth iwa jngai kamwa 100 Km na ka nongbah ka Mandsaur District.
Ki paidbah wa em chajan hawa sniaw ki wa em wa kyrthai um da lai yarap ki heiwa da ye ki wow sai ya ka Sugna Bai tangwa waroh 4 ngut ki khon ko da dooh ki yei mynsien ki kiwa tip kam u Arvind (11 snem), ka Anusha (9 snem), u Bittu (6 snem) wa u Kartik (3 snem).
Hawa takit ki pulit, da chem wa ha ka 13 tarik da chah dat ko ha u kurim ko uwa tip kam u Rodu Singh wei hadien ini da mih ko na yung ko wei da lai sahmiet ko hajan iwi i skur wei manda poi i step da leh ko yeini heipor kamwa 6:00 waje.
Ya i metyap kini ki 4 ngut ki khynnah da kit cha Hospital yow leh yeiwa emkaam wei ka takit dang lai ko chakhmat.
Discussion about this post