Ka KSU East Jaiñtia Hills District Unit da pynyieñ Chek Gate ko ha u sarok NH-6 ynne ka sngi ha wah ka chnong Tonseng iwa em hakhmat ka yingkieñ Wah Lukha yow pait ya ki kot ki sla kiwa na baar jylla kiwa psiah cha Meghalaya lyngba ka East Jaiñtia Hills.
Ka seiñ da pyntip ko wa da sdang ko wow leh heini heipor kamwa 9:00 waje i step wei da pynkut heipor kamwa 4:00 waje i janmiet.
Ha ini kynreh kot, yow pyntikna wa kiwa psiah toh kiwa man kiwa chong chnong pura ka India da paan ya ki EPIC, Aadhaar wei ya kitu kiwa wan kreh mylla da paan wow pynyoo ki ya ka Work Permit wa Labour License wei ki wym em yeini da phah liwan ki.
Ya kitu won kiwa lai cha Assam da chah wow lai ki.
Hadien kattu katni por da wan ki bor ka aiñ kiwa da kyntu wow sangeh yei kynreh kot wei wow e laaad da ka sorkar wow leh yeini, heiwa neiliang ki dkhot ka seiñ da ong ki wa lada leh ka sorkar yei kaam ko ym emkaam wow mih sarok ki yow leh yeini neibhah ini i kaam ymtoh iwa suk.
Ha kani ka Check Gate neiliang ka KSU da wah ko leh ya ki Banner kiwa ong wa ka Work Permit toh kawa krehkaam nadooh u snem 2011 ha Meghalaya lyngba ka aiñ Inter-State Migrant Workmen (Regulation of Employment & Conditions of Service) Act, 1979.
Ka seiñ da beiñ ko leh ya ki Infiltration Check Gate ka sorkar kiwa da man du kam ki khyrdop khrong poisa.
Discussion about this post