15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynyinsur ka MoRTH ya i rta ki kot kari hadooh ka 31 Wisu 2021

Advertisement ad1

Ka Ministry of Road Transport and Highways (MoRTH) da rai ko wow pynyinsur (Extend) ya i rta ki kot kari kam ki Driving License, Registration Certificate, Permit wa kiwi kiwi hadooh ka 31 Wisu (March) 2021 kam chibynta wow khang yei poor ka khlam COVID -19.

Ya kani ka rai ka Ministry da phah cha waroh ki sorkar jylla wa ki Union Territory.

Chwa ini ka MoRTH ha ka 30 Wisu, 2020 ha ka 9 Naiynru, 2020 wa 24 Naisaphra 2020 da pynmih hukum ko wow pynyinsur ya i rta ki kot wa yatoh wa ka Motor Vehicles Act, 1988 wa ka Central Motor Vehicle Rules, 1989 heiwa da rai wow pynyinsur ya ki kot kam ka Fitness, Permit, License, Registration wa kiwi ki kot hadooh ka 31 tarik uni u bnai.

Ka Ministry da ong ko wa deiwa chimkhia wow khang yei poor u COVID-19 waroh ki kot u krehkaam ki hadooh ka 31 Wisu 2021 wei ini u kynthup i ya waroh ki kot ki sla kari.

Da kyntu leh ya kiwa kreh Enforcement wow kheiñ ki wa krehkaam kini ki kot hadooh ka 31 Wisu 2021 wei ki bor sorkar ymtoh u pynchitom ki ya ki paidbah.

Share this:
Previous

5 ngut kiwa dang yoh wa 27 ngut kiwa chait na u COVID-19 ha Meghalaya

Next

Wan booh mooyurim u Amit Shah yaka Medical College wa 9 tylli ki Law College ha Assam