Pynyoo ka chnat Railway ya ki Sleeper Train wa thymme

U Montri ka chnat Railway ka ri, u Ashwini Vaishnaw da pyntip u wa ka Vande Bharat Sleeper Train u sdang ya ki ha ki bnai wow wan.

Ya kini ki rel da chna da ka BEML heiwa da pynpsiah wei da booh thong wow tam ki ya ki rel ka Rajdhani Express nadooh i chngaaiñ, i pynbiang ya kiwa lai wa wan wa kiwi.

Kini ki rel ka Vande Bharat u lai ki hei smat wa 160 kmph wei dadep pyrchang leh hawa lai ki 180 kmph iwa mut wa daw tam ki ya ki rel ka Rajdhani Express.

Ki rel ka Vande Bharat Sleeper Train u em ki 16 tylli ki Coach wa kynthup 11 tylli ki AC 3-tier Coach wow em 611 tylli ki Berth namo ki thawthiah, 4 AC 2-tier Coach wow em 188 tylli ki Berth wa 1 AC First Class Coach wow em 24 tylli ki Berth.

Ya ki Vande Bharat da pynwandur da ka Indian Railways waka BEML wei u man ki katkam ka juk wa katni kam cha baar ri. 

Wow pynsuk ya kiwa lai wa wan daw em leh ki Integrated Reading Lights wa ki USB Charging, ki paikhana ya kiwa duna ha i doh i pran, ki thaw pynbna paidbah namo ki Information System, ki Security Camera, ki thaw sum waka um wa iñ kamjooh kawa dait ha ki AC First Class Coach.

Related posts

Chah beh ki kari kamai wa em Number Meghalaya kiwa lai thooh bru na Guwahati Airport

September 17, 2025

Chah bok uwa yah kari deiwa muaid uwa tyrrah ya ka kari hadooh wa kylla ha Polo

September 17, 2025

Kini ki rel u em ki leh ya ki thawthiah kiwa miat ki yingkieñ wow pynsuk hawa ku cha ki Berth wa hajrong kamjooh ki tusok kiwa jem.

Neiliang ka Indian Railways kwah ko wow pynkylla ya i rukom lai da ki rel hawa emkaam u sahmiet ha ki wei da booh thong chwa wow sdang ha ka luti Delhi-Mumbai wa Delhi-Kolkata tangwa ympu tikna ya ka luti wow lai kini ki rel kiwa daw rai won hadien.