Ka rynsan yakob rwai neibynta ki khynnah skur ka West Jaiñtia Hills District kawa tip kam ka 1st District Level Inter-School Singing Competition da pynman ya ka da ka Eleve8 Tribes deilang waka yung krehkaam ka DSEO, West Jaintia Hills District ha Yungwalieh ka Tpep-Pale, Jowai ha ka 22 tarik uni u bnai.
Ya kiwa chimbynta da jied hadien wa da pyndep ki ya ka Online Audition heiwa da em 18 tylli ki skur kiwa da yaleh wei waroh ki khynnah da em ki kamwa 100 ngut.
Ya kani ka yakob da yabhah ha ka Group Category, Solo- Class 6 Below waka Solo- Class 7 Above Category.
Ha ka rwai samen namo Solo da em 31 ngut ki khynnah wa da wan chakhmat katwa ha ka rwai yonglang namo ka Group Category da em 14 tylli ki skur kiwa da wan.
Neiliang kiwa bichaar hadien wa pait ya ka Online Audition da jied won ki mar 5 ngut ha ki Solo Category wa 5 tylli ki skur ha ka Group Category kiwa yoh u chimbynta ha ka Final Round kiwa da mihkhmat ya 10 tylli ki skur.
Ki khynnah wa chimbynta toh kiwa chong Class-I hadooh Class-XII kiwa da rwai ya kiwa boon jait sur kiwa pawnaam ka pyrthai nadooh kiwa thymme hadooh ki warim kamjooh ki sur tynre yow pynyoo ya jar jiar i sap yong ki wei kani ka yakob da man sakhiat ko kawa da pynchoh biej ya ki paidbah kamjooh ya kiwa bichaar.
Kiwa bichaar ha kani ka yakob rwai toh u Lyngkit Lyngdoh, u Lenar Phawa, ka Lily Sawian waka Simi Khongtiang kiwa da pait yei miat i rukom rwai, i rukom skem i yieñ rynsan wa i pynwandur yei sur deiwa yahaap wa kiwa rwai hi.
Hadien wa pyndep yei bichaar da pynbna ya kiwa jop kiwa man kamni ha wah:
Solo: Class 6 Below Category
1st Place- U Donnean Laloo, Jowai Public School
2nd Place- U Ferick Star Suting, St. Michael and All Angels’ Secondary School, Jowai
3rd Place- Ka Lorida Lamare, Jowai Presbyterian Upper Primary School
Solo: Class 7 Above Category
1st Place- Ka Paliphi Nongtdu, Shangpung Presbyterian H.S. School
2nd Place- Ka Emily Lal G. Darnei, Jaintia Higher Secondary School, Jowai
3rd Place- Ka Isha Kamni Phawa, Jowai Public School
Group Category:
1st Place- Jowai Public School, Jowai
2nd Place- Government Girls Higher Secondary School, Jowai
3rd Place- Che’s Star Higher Secondary School, Jowai
Kiwa jop da yoh ki ya ki Trophy, ki Certificate wa kiwi de ki e sñiawbha.
Neiliang u President ka Elev8 Tribes, u L. Dauni Laloo da pynsñiaw u yei sñiawngooh ya ki skur wa chimbynta, kiwa bichaar, kiwa kyrchaan poisa, ki Volunteer wa ki paidbah kiwa da pynman ya kani ka sngi kawa jop.
Da yooluti u wa kani ka sngi daw wanrah ko yatoh lok kawa daw neh da ki snem wow wan dei bor i maya yei rwai i siaw.
Discussion about this post