15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pyrchah joor ka Elaka Darrang ya ka Umngot Hydroelectric Project

Advertisement ad1
Advertisement ad1
Advertisement ad1

Ka Elaka Darrang kawa kynthup yaki 6 tylli ki chnong hapoh yong ka Elaka kitæ ka Darrang, Dawki, Shnongpdeng, Lymba, Kongwang wa Ri Kynjai hapoh i pait u Dolloi ka Darrang u Pyrwa Lymba da dep wow pynman yalang wa waroh ki waheh chnong kiwa em hapoh ka ka Elaka deilang wa ki seiñbhalang kiwa kynthup yaka ka KSU, JSU, HNYF wa FKJGP heiwa da rai ki wow pyrchah wow booh yaka Dam ha ka wah Umngot ha i thaw ka chnong Moosakhia ha West Jaiñtia Hills wa Siangkhnai ha East Khasi Hills.

Neiliang u Dolloi ka Elaka Darrang da pynsñiaw u wa lada jia wa khang Dam ya ka Umngot ha kitai ki chnong, daw booh ko yei eh ya ki paaid ki raiot ka Elaka Darrang wa kiwi de ki chnong kiwa em cha wah neibhah daw wanrah ko yei duna um wei ini daw pynkylla ko ya i rukom kreh kiwa chong chnong ha kini ki thaaiñ wa i chiboon i dooh nong wa khroo nadooh ka um-baam um-dih, ka um wa poi cha ki thaw rep wa cha ki bri kwai-pathi wa kiwi ki jait thung.

Da ong leh wa i raw ka wah Umngot daw ktah yei em ki moo u chyiap uwa ki bru ka thaaiñ jooh pynemkaam hawa chna yung wei boon na kiwa chong chnong kiwa im nong na uni u chyiap um. Chooh chooh da ong wa daw ktah ko leh ya ki doh-um neibhah ka wah Umngot toh kawa da paaw naam bha yei em ki jait dakha wa boon jait.

Neiliang u Dolloi da pynsñiaw u leh wa manda booh yaka Dam, daw ktah ko yei khooid neibhah kani ka wah toh kawa pawnaam bha kam kawa khooid iwa da tip leh hapoh pyrthai wei lada dooh noh ya ini i naam, kiwa wan uiñke suwari leh daw sangeh ki wow wan poi cha kani ka thaaiñ wei boon naki khynnah khynroo ka thaaiñ daw dooh noh ki ya i laad kamai lada wiar noh i khih wa mih na kiwa wan uiñke suwari.

Neiliang ka Elaka da dep ko wow phah chithi cha u DC ka West Jaiñtia Hills, JHADC, cha ka Meghalaya State Pollution and Control Board wa cha ka Ministry of Forest and Environment ka sorkar India yow pyrchah yei booh Dam haka wah Umngot neibynta wow pynmih bordiñ hapoh ka jylla.

Neiliang ka Elaka da klam che ko wa ym em pyrchah ki yei pynmih bordiñ tangwa pyrchah yei thaw wow booh ya ka Dam iwa daw ktah ya ki chnong wa em cha wah ka Dam.

Neiliang u Dolloi ka Elaka Darrang da ong u wa ka Elaka daw yieñ skem ko haka yurim wow pyrchah ha ka sngi 9 tarik u April ha ka Public Hearing wow man ha Moosakhia.

Share this:
Previous

Pynbna u DC ya ki kaam wa emkaam NOC chwa wow sdang

Next

U pynyabi noh ya ka Shillong wa ki ar sor ka thaaiñ da ki lieñsuiñ