Ka HNYF-West Jaiñtia Zone da pynsñiaw ko yei sñiawkhia hajrong i thmu ka sorkar jylla wow pynman yaka tamasa Meghalayan Age ha Lad Mukhla, West Jaiñtia Hills. Ka seiñ da ong ko wa lada ka sorkar u lai bait ko chakhmat wow pynman ya katai ka tamasa, daw booh ko yaka jaitbru hei maa kawa khroo khamtam ha kam kini ki por wa ka pyrthai waroh dang syier ki ya u Coronavirus, neibhah wa ha kani ka tamasa ki bru na kylleiñ ka ri wa na baar ri leh daw wan ki wow ya chimbynta wei wow sakhi wei ym ye wow pyntikna wa kam kiwon ki bru ki wow wan cha kani ka tamasa.
Chooh chooh neiliang u Secretary ka seiñ u S. Talang da ong u leh wa hajrong ini wa ka sorkar em ko hapyrdi i stang poisa wei toh u pyrkhat hachwa wow pynman ya kiwon kiwon ki tamasa.
Da kyntu leh yaka sorkar jylla wow kyrriah tarik ya katai ka tamasa hadooh wa ye u pyntikna wa ym em de u khñiang Coronavirus.
Discussion about this post