Shillong: Ka Meghalaya da poi biang ko cha ka luti jop deiwa pynrem da 171 Run yaka Arunachal Pradesh haka Women’s Senior One-Day Trophy wa pynman ha Puducherry ynne ka sngi.
Ini da wan ko hadien wa rem ko haka Chandigarh hadien wa da dep jop la san sien.
Hadien wa phah Bat nyngkong, ka Meghalaya da kamai ko 220/6 na 50 Over wei da pynhaap lut ya ki Wicket ka Arunachal kawa ye u kamai du 49 Run.
Ka Saee Purandare da jan yoh ko yaka spah Run wa le yong ka tangwa da haap noh ko deiwa kamai 95 Run, katwa ka Vandana Mahajan da kamai ko 51 Run ha chwa wow kut ki 50 Over.
Ka Riticia Nongbet waka Solina Jaba won da kamai ki mar 10 Run yow pynpoi yaka Meghalaya cha 220/6, iwa heh dooh wa kamai ki ha kani ka samoi.
Ka Mahajan da ka bol won, pyn haka Over wa nyngkong da yoh ko wow pynhaap Wicket wei da pynkut ko deiwa yoh 4/5 na ki 9.1 Over. Da yoh ko soo tylli ki Maiden katwa ka Debasmita Dutta won da yoh ko 5 tylli. Ka Dutta da yoh ko 1/10, ka Nongbet 1/14 katwa ka Rebeldalis Syiemlieh kawa yaleh ha sien wa nyngkong ha kani ka Tournament da yoh ko 2/10 na ki 7 Over.
Discussion about this post