Shillong: Ka HYC-Ri Bhoi District da pynsñiaw ko wa ha ka jylla Meghalaya em du ki Ynniawtrep wa ki Garo kiwa ye wow man kam ki tre jylla (Indigenous People) wei du kini ki jaitbru wa ye u yoh hok kam ki bru ri-loom (Schedule Tribe) ha ka jylla Meghalaya.
Neiliang ka seiñ nadooh u snem 2014 wei ha ka dorkhat wa tip kam ka Memorandum Save Hynniewtrep Mission yong ka seiñbei da dawa ko na ka sorkar jylla heipor wa man montri rangbah u Dr. Mukul Sangma wei katni hapoh i yahkhmatu Conrad Sangma wa toh u pynbait noh ya ka ST Order Act 1950 (as amended) hapoh ka jylla wei toh u pyndam noh ya ki pyrtuid ha kani ka thup (list) lait na ki jaitrbru Ynñiawtrep wa Garo.
Kamtæ ka seiñ da pyrchah joor ko yei dawa u MLA ka Mawhati wow tipmit ya ki jaitbru Tiwa (Lalung) wow man ki kam ki jaitbru ri-loom. Da ong ko wa ini i leh u MLA ka Mawhati toh du wow skem ka Vote Bank yong oo ka wow pynstang won ya ka jaitbru Ynñiawtrep.
ka seiñ da dawa ko leh na ka sorkar jylla wow kyntait ya ini i tyrwa wow pynman ST ya ki Tiwa (Lalung) wei wow chimkhia wow pynbait noh ya ka ka ST Order Act 1950.
Da kyntu ko leh ya ka KHADC wow booddien ya ka Resolution kawa da pdiang (Pass) ha u snem 2018 kawa da wanrah da u Adelbert Nongrum wow tipmit noh du ya ki jaitbru Ynñiawtrep wa ki Garo kam ki Schedule Tribe ha ka jylla Meghalaya.
Also Read: Yasaaid u MLA ka Mawhati hakhmat u CM wow tipmit ST ya ki jaitbru Lalung
Discussion about this post