Shillong: U MLA ka Mawhati, u Dasakhiat Lamare ynne ka sngi da dawa u na u Montri Rangbah ka jylla, u Conrad K Sangma wow tipmit noh ka sorkar ya ka jaitbru Lalung kam ki ri-loom wei wow yoh myntoi ki ha ka jylla Meghalaya.
Ynne ka sngi neiliang u MLA da e u leh ya ka dorkhat ha u Montri Rangbah wow pynkynmoo biang ya i dawa kini ki jaitbru kiwa em ha kani ka jylla.
Neiliang u MLA hawa yaklam wa kiwa pathai khubor da ong u wa neiliang u Montri Rangbah daw pait bniah u yeini, tangwa ym em u pyntikna u wow pynmankaam biang katkam wa da phah wei wow haap lai biang chadooh ka Minstry for Tribal Affairs ka sorkar India.
Katkam i ong u Dasakhiat du hapoh ka Mawhati Constituency em kini ki jaitbru wa em kamwa 8000 ngut wei napyrdi yong ki kiwa chong chnong ha khappood wa ka Assam, wa haap ha Block-I wa Block -II wa ha kiwi ki bynta ka jylla. Katwa ya ki Lalung da timit leh da u Syiem ka Hima Khyrim.
Chooh chooh u Dasakhiat da ong u wa kini ki jaitbru Lalung im ki katkam ka riti distur ki Tiwa wei embynta ki leh wow yakhun neibynta wow yoh ya ka jylla Meghalaya.
Discussion about this post