15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pyrchah joor ka JHTOA yei booh Weight Bridge wa thymme ka Sorkar Meghalaya

0 Comments

Jowai : Ka Weight Bridge wa thymme wa pynmih da ka Sorkar Meghalaya ha i thaw yong ka Riya Bawrie ha Khadle Mer (13th Mile) da booh ko i eh wa khroo ya ki wa lai wa wan neibhah em ko mar pyrchah ya ka L.P. School Assam. Kani ka Weight Bridge da wanrah ko i sah kut kari wa joor bha iwa boh leh yei maa khamtam ya ki khynnah ka tai ka skur.

Ka Weight Bridge toh kawa em ha khappood Assam-Meghalaya, ka JHTOA da kynnoh ko leh wa kiwa kreh ka tai ka Weight Bridge chim poisa hadooh T. 2000 kawi ka truck. I rukom thaw ya ki truck ha kani ka Weight Bridge toh ka wa ym em nongrim wei wa ym em hok neibhah ki truck wa kit mar wa lai cha ki kharkhana ha ki thaiñ Byrnihat ym em thaw ya ki wei ym hap lai ki lyngba kani ka Weight Bridge.

Ki Police ki Assam leh em ki por kem ki yak ki truck wei da pyndaiñ kuna ki neidaw wa hap pynyieñ kari ki ha sarok chwa u poi cha kani ka weight bridge. Da ong leh wa ym em chna Lay-bye yow booh ya ki truck wei man i leh pyrchah ya ka aiñ neibhah emkaam u yoh bor na ka NHAI wei wow bood ya ki kyndon yong ka.

Ka seiñ da kyrpaad ko ya ka sorkar Meghalaya yow pait yeini i leh chiliang heiwa du ya ki kari wa lai cha Assam wa hap lai lyngba kani ka Weight Bridge katwa kiwa lai cha Byrnihat won ym hap ki u su namo u lai lyngba kani ka Weight Bridge.

Katkam ki kyndon ka Supreme Court won da ong ym ye u chna thymme ya ki Weight Bridge wei toh u chna du ki Integrated Check Points wei hadien ini da khang lut ya waroh ki toll gate wa ki weight bridge yong ki District Council wa kiwi kiwi tangwa man i iwa phylla wa ka sorkar Meghalaya dang sdang thymme ko sa ka wi ka Weight Bridge.

Kani toh katkam ka khubor wa da pynmih da u President wa u Secretary ka Jaiñtia Hills Truck Owners Association u N. Chullet wa u Secretary u E. Pasi.

Share this:
Previous

District level quiz & debate competition held at Ampati

Next

Ki result ka 3rd wa 1st Division ynne ka sngi