Jowai: Ka JSU Jowai Circle da sñiaw phylla ko wei da beiñ joor ko yei chah kyrriah kaam noh u DTO ka West Jaiñtia Hills District u Ricky Tariang hapoh le bnai wa da ksoh u ya ini i kaam.
Ka seiñ da ong ko wa katkam i kyndon ka sorkar, hapoh le snem ym ye wow kyrriah kreh ya ki sahep katwa ya uni u DTO won du hapoh le bnai da chah kyrriah u iwa da pyn pyrkhat ya ka seiñ wa em iyi iyi cha lyndet.
Kam wow pynkynmoo, ka seiñ dang yaroh ko yei kreh chitom uni u sahep wei ka seiñ da booh ko i kyrpaad wa khroo hakhmat u MLA ka thaiñ u Wailadmiki Shylla wa kamjooh leh ya u Transport Minister wa toh u pynneh biang ya uni u sahep neibhah lada jia kamni bait i chah kyrriah ki sahep du hadien ki kattu katni bnai daw wanrah ko yei doohnong wa khroo ya ki paidbah ka thaiñ pynkut ka khubor na u President ka seiñ u Neal Jordan Rymbai.
Discussion about this post