Khliehriat: Ka Jaiñtia Youth Federation (JYF) East Jaiñtia Hills District hadeiñ wa yoh ko ya i ujor na ki paidbah wa chong chnong yong ka thaaiñ, Ka Jaiñtia Youth Federation da chim ko ya ka rai wow pyrchah joor ya kawi ka karkhana Coke Plant wa tip kam ka Unique Industry Coke Plant kawa da kamtre da u Delwir Swer uwa na Khliehriat West.
Kani ka karkhana em ko ha khap chnong Umsatai, Lad Wahwapung, Deinsatlang wa ka Pynurkba , Elaka-Rymbai ha Wah Diengling.
Neiliang ka seng JYF da suba ko wa da e NOC sop sop kitai ki waheh chnong khlem tip ki paidbah wa chong chnong.
Ka JYF da pyrchah joor ko ryngkat i sur yong ki paidbah wow pyndam u chna ya kani ka karkhana neibhah daw ktah i ya i chait i nang, daw pyntngit ko ya ka la-ær wa riñ mynsien khamtam ya ki khynnah skur heiwa da em boon tylli ki skur ha kitai ki chnong.
Ka JYF da kyrpaad joor ko leh ya ka JHADC kamjooh kawa toh u pait u yoo ya ka khyndaw ka chyiap wow pymdam chwa ya ka NOC yong kani ka karkhana wei hajrong ini daw ujor ko ha JHADC.
Kani toh katkam wa phah da u President JYF East Jaiñtia Hills u John Pala wa u Secretary JYF East Jaiñtia Hills u B. Chyrmang.
Discussion about this post