Ka BJP Nagaland da pynsñiaw ko yei pyrchah yei pynman ya ka Gau Dhwaj Sthapna Yatra ha Kohima, Nagaland ha ka 28 tarik uni u bnai da ka thong wow khang yei choh doh masi wei wow baam doh masi ha waroh kawi ka ri.
Ka BJP Nagaland da pynche ko leh wa kani ka seiñ wa thmu wow pynman ya kani ka Yatra ym em bynta ko waka Party hapoh ka jylla deiwa pynrap wa burom yei sñiaw yong kiwi tangwa hap wow pyrkhat leh yei rukom im wa i rukom ngait ki jaitbru wa em hapoh Nagaland.
Da kdaw leh wa ka Nagaland toh kawa em hapoh ka Article 371A ka Constitution yow yada yei rukom ngait wa i rukom im ki bru ka jylla wei lada em iwon iwon i pyrchang wow pynkylla yeini da man ko pyrchah yei hok wot yei rukom baam.
Da ong leh ha Nagaland kiwa boon toh ki Christan wei i thmu wow khang yei baam doh masi man ko leh pyrchah yei ngait niam ki wei i doh masi hi man i iwa emkaam bha heipor wa pynman ya ki lehkmen wei lada khang yeini daw wanrah ko yei phiah ya ka imlang sahlang kamjooh i sñiaw ki paidbah.
Chooh chooh da ong ki leh ka ri India kam ka ri ka wym em yachah chiliang cha kawon kawon ka niam toh u pynneh ko leh yei laitlooid wow ngait ya kawon kawon ka niam wei wow bood ya ka dustur riti khlem da em kiwa pynthut wei toh u burom yeini.
Kamtæ ka BJP Nagaland da kyntu ko ya ka sorkar Nagaland wow ksoh ko ya ka Article 371A wei ini ymtoh wa pyrchah ya kawon kawon ka niam tangwa toh u man ko deiwa burom kylliang.
Neiliang ka BJP Phek District leh da pynsñiaw ko yei kyrchaan yeini wa pyrchah ka BJP Nagaland.
Discussion about this post