Pyrchah ka ENYF ya ka Public Hearing ka Topcem yow sdang sa ka Mooiong Thlusniang Limestone Mine

Ka Elaka Narpuh Youth Federation (ENYF) da pyrchah joor ko ya ka Public Hearing wow e ya ka Environmental Clearance cha ka M/S Meghalaya Cement Ltd (Topcem Cement) neibynta ka thaw tih moochuni wa tip kam ka Mooiong Thlusniang Limestone Mine wa heh 26.50 Hectare.

Ya kani ka Public Hearing u pynman ha ka 05-09-2025 ha Chiehruphi, Elaka Narpuh, East Jaiñtia Hills District, Meghalaya.

I daw wa pyrchah yeini toh wa ym em laad kamai ya ki paidbah tre chnong neibhah wa hadooh katni ki karkhana pynmih khyndaw-bilat ym e kreh ki ya ki khynroo na Elaka Narpuh heiwa da e bait cha ki bru wa na baar.

Chooh chooh da ong wa ki tre chnong wa yoh kreh leh ka nong wa yoh ki toh kawa khian bha hawa nujor wa ki baar jylla kiwa kreh yei jooh.

Related posts

Chem metyap yong uwa da heh rta na i yung wym em de wa sah

October 30, 2025

Mynstep u chim rai ka MCTODA lada u lai chei khut yaklam u DC ka East Jaiñtia Hills

October 30, 2025

Ka seiñ da ong ko leh wa ka poisa na ka DMF ym em yoh myntoi ki ka kam kiwa chah ktah wei lai ko du cha ki thaw ki wym chah ktah wei ka Elaka Narpuh da kylla ko kam ka thaw noh jhep donhi.

Da ong leh wa ym em yoh myntoi ki paidbah katwa em leh najrong wa chah ktah ka mariang wa i rukom im yong ki tre chnong neibhah wa joor i tdem wa i laphooh wa mih iwa ktah bha ha i chait i khiah ki paidbah.

Kamtæ ka seiñ da kyrpaad ko ya ki waheh chnong, ki seiñ khynroo, ki manbei manpa wa waroh ki tre chnong ka Elaka Narpuh wow pyrchah ya kani ka Public Hearing kani ka karkhana.